ജന്മദിനം 

ജനനവും മരണവും 

സമയമാകുന്നു .

അതിനുള്ളിൽ 

നാഴികക്കല്ലല്ലോ ഈ 

ദിനങ്ങൾ ...

ഓരോ ദിനങ്ങളും 

എണ്ണിയെണ്ണി ...

അവിടെയെത്തുന്നു  അതിന്നു മാകാം !!!

                      --വിശാഖ് മൂഴിക്കൽ--

 

നനവാർന്ന കണ്ണുകൾ

 നനവാർന്ന കണ്ണുകൾ

കാലങ്ങൾ പോയി

കാതങ്ങൾ നീങ്ങി നാം

അറിയാതെ നനവാർന്ന

കണ്ണുകൾ കണ്ടു ഞാൻ

ഓമലേ നീയെന്റെ

അരികിലായ് വന്ന നാൾ

ഒരു ഗാനമോതീ-

കടന്നുപോയ് കാലം .

മറവിതൻ മറപിടിച്ചവ-

ളെൻ കാതിലോതി

അമൂല്ല്യമാം സൗഹൃദ-

മെങ്ങനെ

പ്രണയത്തുടിപ്പായി .

ഒടുവിൽ തിരിച്ചറിഞ്ഞു...

എന്റെ ചിന്തകൾക്കിത്ര

ഭാരക്കുറവ്,

ആ നനവാർന്ന

കണ്ണുകൾ നോക്കി

ഞാനും പറഞ്ഞു .

                      --വിശാഖ് മൂഴിക്കൽ-- 

കിടക്ക

 

കിടക്ക

കൂടെക്കിടന്നവൾ

എന്നെത്തലോടി

ജനിച്ചനാൾ മുതൽ

തന്നെയെന്നെത്തലോടി .

എല്ലാമറിയുന്നവൾ

എല്ലാം മറച്ചവൾ

കണ്ണീർ തുടച്ചവൾ

എന്നെ പുതച്ചവൾ

തന്റെയിടം തന്റേടം

എന്നോതിത്തന്നവൾ

ഒരിടമെനിക്കായി

മാറ്റിവച്ചിരുന്നവൾ

ദുഖങ്ങൾ മാച്ചവൾ

എന്നെത്തലോടി .

ജനിച്ച നാൾ മുതൽ

തന്നെ ഭാരം ചുമന്നവൾ

അമ്മതൻ വാത്സല്ല്യ

സ്പർഷശേഷം

എന്നെ പുണർന്നവൾ

മാറോടണച്ചവൾ

അന്നുണ്ട്

ഇന്നുണ്ട്

എൻ ചാരെയായവൾ

മറക്കില്ല

മറക്കില്ല ഇന്നവളെ

ലോകത്തെല്ലാർക്കും

കൂട്ടായി നിന്നവളെ ,

കൂടെക്കിടന്നവൾ

കൂട്ടായി നിന്നവൾ

ജനിച്ചനാൾ മുതൽ

തന്നെയെന്നെത്തലോടി .

                      --വിശാഖ് മൂഴിക്കൽ-- 

മൂവാണ്ടൻമാവ്

 മൂവാണ്ടൻമാവ്

അന്നു ഞാൻ ചെറുപ്പത്തിൽ

മൂവാണ്ടൻമാവിൻ ചോട്ടിൽ

ഓടിയങ്ങെത്തിയതും വീണതു -

മോർക്കുന്നു ഞാൻ .

അണ്ണാരക്കണ്ണനോടും പിന്നൊരു

കിളിയോടും പായാരം ചൊല്ലീയതും

മാങ്ങക്കായ് കേഴുന്നതും .

ഇല്ലില്ലാ ഇന്നാ കാലം , വരില്ലാ

പോയ...കാലം...ഓർമ്മകൾ

മാത്രംമതി ജീവിക്കാനിന്നീമണ്ണിൽ .

നേരം വെളുക്കുംമുന്നേ , എന്നും

ഞാൻ മാവിൻചോട്ടിൽ....

കാറ്റത്തായ് വീഴുംമാങ്ങ ,

കടിക്കും രുചിയോടെ .

കൂട്ടുകാർ വരുന്നതും കാത്ത-

ങ്ങിരിക്കുന്ന ഞാൻ , ഓർമ്മയിൽ

ഒതുങ്ങിപ്പോയ് ,ഇല്ലില്ലാപ്പോയ കാലം .

മാങ്ങതൻകൂട്ടത്തിലേക്കെറിയും

കല്ലീലുണ്ട് , ആശിച്ചാമാങ്ങായുടെ -

പ്രാർത്ഥനാക്കുറിപ്പുകൾ .

മീനിനെ പിടിക്കാനായ്

തോർത്തുമായ് പോകുന്നതും

വരുമ്പോൾ വെള്ളത്തോർത്ത്

ചളിയിൽ പുരണ്ടതും ...,

അമ്മതൻ ശകാരത്താൽ

മുറ്റത്തൂടോടിയതും

കുറിക്കുന്നൂ‍ ഞാനിന്ന് ...

ഈ പേപ്പർത്തുണ്ടിലായി .

ഇല്ലില്ലാ ഇന്നാ കാലം , വരില്ലാ

പോയ...കാലം...ഓർമ്മകൾ

മാത്രംമതി ജീവിക്കാനിന്നീമണ്ണിൽ .

                      --വിശാഖ് മൂഴിക്കൽ-- 

ഓർമ്മക്കുറിപ്പ്

 ഓർമ്മക്കുറിപ്പ്

എല്ലാം കെട്ടിപ്പൂട്ടി വെക്കണം

പോകുമ്പോൾ കൊണ്ടുപോകാൻ

ഒടുവിലെ യാത്രക്ക്

നേരമായ് പ്രിയേ...

ചിതലരിച്ചീടുന്നു

ഇന്നെന്റെ ഓർമ്മകൾ

ഈ മണ്ണിലായലിയുന്നു ഞാനും .

                      --വിശാഖ് മൂഴിക്കൽ-- 

മരപ്പലകമേൽ

 മരപ്പലകമേൽ

നേരത്തെ എഴുന്നേറ്റി

രുന്നു ഞാനെൻ

ഉമ്മറപ്പാടിവാതിലിലെത്തി

നോക്കി...

ആരോ വിളിക്കുന്നു ,

ദൂരെ

അതിശയം തോന്നിയ

തെന്തിന്നു ഞാനും...

ഉറക്കച്ചടവിനോടുവിലാ

യൊരുൾവിളി...

കേട്ടു അതെന്നമ്മ ....

തന്നെ

പിൻവാതിലും ചാരി ...

ഒരു കൊച്ചു മണ്കലം

കയ്യിലേന്തി..

തിരക്കിൽ നിന്നും,

തിരക്കുകളിലേക്കവൾ

ജോലി തൻ ഭാരം

മുഖത്തുണ്ടുതാനും .

ചാരെയായ് ചെന്നു

ഇങ്ങനെയോതി ഞാൻ

അമ്മക്കുപകരമായി

അരുണ്ടെന്നമ്മേ _

മൗനമായിരുന്നിത്രയും

കാലമവൻ ഒരു

സ്മാർട്ട് ഫോണിൽ

വീണുടഞ്ഞു .

എന്തേ നിനക്കുണ്ണീ

എന്നമ്മ ചൊല്ലി

കെട്ടിപ്പിടിച്ചമ്മ ചൊല്ലീ...

ഓർത്തതിങ്ങനെ...

ഒരു കൊച്ചുമുറിതൻ ചു

മരുകൾക്കുള്ളിൽ

ഞാൻ

ഒരു സ്മാർട്ട് ഫോണിൽ

തളച്ചിരുന്നു.

ഇല്ല ഇനി ആ ലോകം

ഉള്ളതിനിയീലോകം ..

ആർത്തുല്ലസിച്ചവനോടി...

ആർത്തുല്ലസിച്ചു മണ്മറഞ്ഞു ...

                      --വിശാഖ് മൂഴിക്കൽ--